Sut i gyrraedd Canolfan Amgylcheddol Moelyci

Mae Canolfan Amgylcheddol Moelyci gerllaw pentrefi Tregarth a Bethesda (y naill ryw bum munud a’r llall ryw ugain munud i ffwrdd ar droed) a heb fod yn bell o Lyn Ogwen, y Carneddau, Tryfan a’r Glyderau. Mae’r cysylltiadau â threfi cyfagos yn dda: mae bysiau lleol yn rhedeg yn ddyddiol ac mae’r llwybr beicio sy’n cysylltu Bangor a Thregarth yn croesi’r safle.

Beicio

http://sustrans.org.uk/sustrans-near-you/wales/easy-rides-in-wales/lon-las-ogwen

Mae Moelyci ar lwybr beicio hardd Lôn Las Ogwen (Llwybr rhif 82). Mae’n cymryd ryw 30 - 45 munud i feicio o Fangor i Foelyci. Gallwch weld y daith hon drwy ddilyn y cyswllt i wefan Sustrans. Bydd mynedfa ‘Moelyci’ yn dod â chi at lwybr treftadaeth Moelyci wrth waelod y fferm, ger y rhandiroedd cymunedol. Os trowch i’r dde yn y fan honno fe ddewch at bolidwneli’r Ardd Fasnachol a man cychwyn y llwybr sy’n arwain at y ffermdy. Mwynhewch y pedlo!

Cyfarwyddiadau o’r A55 o gyfeiriad Caer

Gadewch yr A55 wrth Gyffordd 11 i gyfeiriad Betws y Coed a Bangor. Ar ben y ffordd ymadael, trowch i’r chwith i gyfeiriad Bethesda ac yna symudwch i’r lôn dde er mwyn troi i’r dde wrth y gylchfan fechan. Wrth ymuno â’r A4366 fe welwch Travelodge ar yr ochr dde. Dilynwch yr A4366 am ryw dri chwarter milltir hyd nes y gwelwch arwydd Tregarth (B4409). Trowch i’r chwith a dilynwch y lôn am ryw 500 llath. Ar yr ochr dde fe welwch yr arwydd Moelyci (llechen fawr). Trowch i’r dde drwy’r gatiau. Mae lle i barcio gerllaw’r gatiau ac mae nifer cyfyngedig o lefydd parcio ychydig ymhellach draw. Wrth i chi ddilyn y llwybr bydd y polidwnnelau ar yr ochr chwith a ffermdy Moelyci ychydig ymhellach draw ar y chwith.

Cyfarwyddiadau o’r A5

Dilynwch yr A5 drwy Fethesda a thros bont Halfway hyd nes cyrraedd cylchfan fechan gerllaw’r A55. Trowch i’r chwith wrth y gylchfan i ymuno â’r A4366. Dilynwch y cyfarwyddiadau a roddir uchod.

Cyfarwyddiadau o Ynys Môn

Gadewch yr A55 wrth Gyffordd 11 i gyfeiriad Betws y Coed a Bangor. Ar ben y ffordd ymadael trowch i’r dde wrth y gylchfan i ymuno â'r A5 i gyfeiriad Bethesda. Yn union wedi i chi droi i gyfeiriad Bethesda symudwch i’r lôn dde er mwyn troi i’r dde wrth y gylchfan fechan i ymuno â’r A4366. Dilynwch y cyfarwyddiadau a roddir uchod.

Cyfarwyddiadau o Gaernarfon

Naill ai dilynwch y cyfarwyddiadau o’r A55 neu teithiwch i gyfeiriad Tregarth ar yr A4366 drwy bentref Bethel. Cadwch at yr A4366 ar y gylchfan wrth ystafelloedd te Tŷ Mawr a dilynwch y ffordd hyd nes y gwelwch arwydd Tregarth. Trowch i’r dde i ymuno â’r B4409, ac o fewn tua 500 llath fe welwch arwydd Moelyci (llechen fawr) ar yr ochr dde. Trowch i’r dde drwy’r gatiau.